गर्भाशयाचा कॅन्सर लक्षणे?

गर्भाशयाचा कर्करोग, या लक्षणांकडे करू नका दुर्लक्ष; जाणून घ्या सविस्तर
harshada shirsekar | Maharashtra TimesUpdated: 24 Dec 2020, 10:35 am
140
Subscribe
Health Care Tips वाढत्या वयानुसार आपल्या शरीरामध्येही काही बदल होत असतात. काही जण शारीरिक समस्यांकडे दुर्लक्ष करतात. पण ही चूक अजिबात करू नका. यासंदर्भात वेळीच आपल्या ओळखीच्या डॉक्टारांशी संपर्क साधा.

what are the symptoms and causes of uterine cancer in marathi
गर्भाशयाचा कर्करोग, या लक्षणांकडे करू नका दुर्लक्ष; जाणून घ्या सविस्तर

Adv: होम शॉपिंगचा शेवटचा दिवस - घरातील आणि किचनमधील वस्तूंवर मिळवा ७० टक्क्यांपर्यंत सूट

डॉ. वैशाली बिनीवाले स्त्रीरोगतज्ज्ञ, पुणे
गर्भाशयाचा कर्करोग (Uterus Cancer Symptoms) साधारणत: पन्नाशीनंतर आढळून येतो. भारतात दर वर्षी सुमारे १३ हजार स्त्रियांचा गर्भाशयाच्या कर्करोगाने मृत्यू होतो. या कर्करोगाबद्दल सविस्तर माहिती घेऊया. भारतात बरीच वर्षे गर्भाशयमुखाचा कर्करोग हा स्त्रियांमध्ये आढळणारा सर्वांत महत्त्वाचा व प्रथम क्रमांकाचा कर्करोग होता.
(शुद्ध व भेसळयुक्त तुपातील फरक कसा ओळखावा? जाणून घ्या या ५ सोप्या पद्धती)

मात्र, अलीकडे बदलत्या जीवनशैलीमुळे स्तनांच्या, गर्भाशयाच्या व बीजांडाच्या कर्करोगाचे प्रमाण वाढू लागले आहे. गर्भाशयाच्या कर्करोगाचे अनेक प्रकार आहेत. त्यातील गर्भाशयाच्या पोकळीच्या आवरणाचा कर्करोग (एंडोमेट्रियम) सगळ्यात जास्त आढळून येतो. या कर्करोगाबद्दल सविस्तर माहिती घेऊया.
(धूम्रपानाची सवय आहे? जाणून घ्या रक्तवाहिन्यांशी संबंधित होणारे विकार : तज्ज्ञांची माहिती)
​कर्करोगाचा धोका

शरीरातील ‘इस्ट्रोजेन’ या संप्रेरकाचे असंतुलन झाल्यास आणि त्याचे प्रमाण वाढल्यास या कर्करोगाचा धोका संभावतो. स्थूलपणा, मधुमेह, उच्च रक्तदाब, मासिक पाळी लवकर सुरू होणे, रजोनिवृत्ती उशिरा येणे, मूल न होणे या गोष्टींमुळे कर्करोगाचा धोका वाढतो. पॉलिसिस्टिक ओव्हेरियन सिंड्रोम (पीसीओएस) असलेल्या स्त्रियांमध्ये व खूप जास्त काळ फक्त ‘इस्ट्रोजेन’ संप्रेरक घेतलेल्या स्त्रियांमध्ये गर्भाशयाचा कर्करोग होण्याची जास्त भीती असते. या कर्करोगासाठी अनुवंशिकताही महत्त्वाची मानली जाते. काही जनुकीय दोषांमुळे हा कर्करोग उद्भवू शकतो.

(शारीरिक वेदना व सांधेदुखीच्या त्रासातून सुटका मिळवण्यासाठी करा थाय मसाज)
​अनुवंशिक कारण

कुटुंबामध्ये गर्भाशय, स्तन, बीजांड व मोठ्या आतड्याच्या कर्करोगाचा इतिहास असल्यास या प्रकारचा कर्करोग होण्याचा धोका अधिक असतो. या रोगाची लक्षणे समजण्यास सोपी असतात. बहुतेक स्त्रियांना मासिक पाळी दरम्यान जास्त रक्तस्राव होतो. कधी कधी अनियमित रक्तस्राव होतो. अशा स्त्रियांनी वेळेत योग्य तपासण्या केल्यास कर्करोगाच्या आधीच्या टप्प्यात (प्रीमॅलिग्नंट स्टेज) निदान होऊ शकते.

(चमकदार दात, सुंदर केसांसह मिळतील हे ६ लाभ; तज्ज्ञांच्या सल्ल्यानुसार नियमित खा काळे मनुके)
​वैद्यकीय सल्ला घेणे आवश्यक

रजोनिवृत्तीनंतर योनीमार्गातून होणारा रक्तस्राव या कर्करोगाचे महत्त्वाचे लक्षण आहे. अशाप्रकारचा त्रास होणाऱ्या स्त्रियांमध्ये गर्भाशयाचा कर्करोगाची शक्यता जवळपास १० टक्के एवढी असते. कर्करोगाची लक्षणे दिसल्यास त्वरित वैद्यकीय सल्ला घेणे आवश्यक आहे. कर्करोगाचे निदान करण्यासाठी गर्भाशयाची सोनोग्राफी केली जाते. यामध्ये गर्भाशयाच्या आतील आवरणाची जाडी (एंडोमेट्रियल थिकनेस) जास्त असल्यास कर्करोगाची अथवा त्याच्या आधीच्या टप्प्याची (हायपरप्लाझिया) शक्यता अधिक असते. अशा स्त्रियांमध्ये गर्भाशयाच्या पोकळीची दुर्बिणीने तपासणी (हिस्टेरोस्कोपी) करायला हवी.

(भात खाल्ल्याने शरीरावर होतात हे परिणाम, किती प्रमाणात सेवन करणं ठरेल आरोग्यासाठी योग्य?)
​वैद्यकीय चाचण्या करणे महत्त्वाचे

गर्भाशयातील आवरणाची बायोप्सी करून कर्करोगाचे निदान केले जाते. कर्करोगाचा प्रसार बघण्यासाठी एमआरआय आणि सीटी स्कॅनसारख्या चाचण्या केल्या जातात. गर्भाशयाच्या आवरणाच्या तपासणीमध्ये कर्करोगाच्या आधीच टप्पा आढळल्यास औषधोपचार करून कर्करोग टाळता येतो. यासाठी प्रोजेस्टेरोन या संप्रेरकाचा वापर करतात.
(जास्त राग येणं हे सुद्धा आहे पित्त वाढण्याचे लक्षण, उपाय म्हणून काय खावं व खाऊ नये? जाणून घ्या)
​लक्षणांकडे दुर्लक्ष करू नका

प्रोजेस्टेरोन गोळ्या अथवा गर्भाशयातील पोकळीमध्ये घालण्याच्या उपकरणाच्या स्वरूपात वापरले जाते. कर्करोगाचे निदान झाल्यास शस्त्रक्रिया व औषधोपचार (किमोथेरपी व रेडिओथेरपी) दिले जातात.

(ट्रेनने प्रवास करताना आरोग्यासाठी अशी घ्या खबरदारी, वाचा तज्ज्ञांनी दिलेली माहिती)

दुर्दैवाने अनेक स्त्रिया या धोकादायक लक्षणांकडे रजोनिवृत्तीची लक्षणे समजून दुर्लक्ष करतात व कर्करोग झाल्यानंतरच त्याचे निदान होते.